جريت صوتي بعد صبري قضى طوره = أدًله النفس بألحاني وأرددها
الهم يلعب بقلبي لعبة الكوره = لعب البرازيل لاقامت تسددها
والضيقة اللي بوسط الصدر محشوره = عجزت لالقى علي حاجة تبددها
واليوم حالي من الكتمان مخطوره = والظاهر إنى سببها رحت مع يدها
أضحك وأنا أعيش طعن الحزن وشعوره = مشاعرٍ يتعب الهاجس يعددها
ليل الوجع ليلٍ أظلم ما أنبلج نوره= وجمر المواجع تزايد في توقدها
ياموزع الضحك دام النفس مسروره = تحمد الله وحذرا لاتوسدها

كل ماناظرت بعيونك يجيني = من بلا الاشواق شيٍ يعتريني
شي مأقدر أعبربه ولكن = حط كفك لو تكرم في يديني
خل كفيني علي كفك تكلم = خلها تنبيك عن شعلة حنيني
أنت مجرم بالغياب وبالتواصل = والدليل أنظر لحالي مبتليني
ما يطفي لوعتي لحظة وصولك = غير ضمك من يساري لايميني
ويش أسوي دامني مخنوق وانته = عاطر أنفاسك بها كل اكسجيني

حسبي الله علي حبك وجمر الولع = وحسبي الله علي وصلك وطعم الحنان
نور وجهك ليامنه قبالي طلع = تسثير العيون ويستنير المكان
لاتعض الشفاه ولاتناظر دلع = ابك أنا من سواتك واصلٍ للجنان
شوف حبك هنيا جوف قلبي شلع= قص كل العروق وصرت لاجله مدان

تعشت هموم الفواد وتغدت= بأحساس ملا يمتلك غير الاحساس
ياكثر ما مرت وجيه وتعدت= عرفت منها الضحك والغدر والياس
جازيتها حب ووفاء بس مدت= طعناتها اللي مالها عد وقياس
حتى الهنوف اللي بحبي تفدت= اليوم خلتني لذكرى وهوجاس
وشلون صدت بس وشلون صدت= وباعت غرامٍ قد بنيته علي ساس

لاتلوم اللي ليا شافك تهور = وده بضمتك مابين السواعد
يافديت العين والخصر المدور = لمتي والحظ في شوفتك قاعد
ليلة البارح من الشوق أتصور = بأنك قبالي علي بيض الجواعد
قلت لك يامرحبا والكون نور = أبرك الحزات دام الحظ ساعد
لعنبو هالحظ تونه تطور = يأكسجيني ضمني نازل وصاعد

تدرين وش يقهر صناديـد الرجـال=طعنة غدر تأتيه مـن كـف الخليـل
وتدرين كيف الوقت ما يمشي عـدال=لاصار حكم الوقت مـا يًخـدم بخيـل
وتدرين ليه الشعر مـا يلقـا مجـال=لان أصدقـه يكـون للشاعـر قليـل
وتدرين وش يوصل كيانـي للهبـال=حور العيون وناعس الطرف الكحيـل

فديتك امرني وانا رهن اشارتك = ولولا المحبه يالغلا ما فديتك
أغيب وأنسى بس لاشفت طلتك = يجيك قلبي قبل لاقول جيتك

يابو العيون اللي طرفهن خادر = سودٍ تضم الزين والشوق والموت
وألا الخدود اللي بها الزين نادر = والشفه اللي كنها قطعة التوت
وجسمٍ معزل بين نازل وحادر = وغير الترف كنه مفصل ومنحوت
الزين ضمك من جميع المصادر = وغير الحلا ياويل حالي من الصوت

اللي بقي لك مع الايام حب وقدر = ياسيدي والوفا بالحب طبع الكرام
وش يجمع النبل والاخلاص ويا الغدر = شتان ما بينهم واللي عليه الكلام
جيتك يمي تضيع كل هم وكدر =والا بدونك ترا الدنيا عليها السلام

تجي كذا مجهول وتروح مجهول = وانا معاك اعيش حالة تأمل
معقول تلعب بي مع الوقت معقول = ومعقول تتركني لجرحي مهمل
أنا على مبداي يافارع الطول = وأنته على مبداك لاهنت كمل
إليا وصلنى منك طعنه وش أقول =مانى بقايل غير بأنك مجمل
مات الوفا وشلون لاحول لاحول = والغدر مدري كيف واصل وصمل