محمد الدحيمي

---

(( شهر زاد ))

وش بصدري ..؟!! غير طفلٍ شايبٍ ينشد نشيدة : موطني دار الكفاح=مانساها في مواني غربةٍ ترمي بوجهه .. من بلاد الى بلاد
سولفي يآخر خطاي .. شلون تهت بلا دروب وكيف هاك الضلع طاح =وكيف خانتني الشواطي يوم فليّت الشراع .. وكيف مات السندباد
جابت (التوبه) ولد واحد يسمّونه ( ندم ) يشكي ( لحيّا عاالفلاح ) =من بنات ( الذنب الابتر ) (شهوةالنفس) و(خطايا) ..وامّهن (ذلّ الفساد )
العوامل تعريه .. لو فيه عامل ستر ماتلقى به ستار ٍ يزاح =ولا انكسر خشم الهرم .. أوعرّت الجغرافيا .. تاريخ ارم ذات العماد
قالوا البردان يحطب .. والشتا من عادته جاير ولا يعرف سماح =والرماد اللي هناك .. البارحه كان الشداد وللأسف .. شوفه رماد
والشداد اللي حطبْته من على ورك المطيّه ماغبنّي يوم راح =ماغبنّي الا اني بحسن الظنون اخطيت والحقت المطيّه .. بالشداد
كنت فارس والصحيح اني لى هالحين فارس .. مير مثخن بالجراح =حكمتي : لاقحّم البندق .. ولا شاب الرصاص .. ولاانحنى ظهر الزناد
وش خذيت من الشعر ؟ .. حتى الشعر خلّى قوافي الجد لأوزان المزاح =ويش ابي بالشعر دامه كلما استفرغ ( قفا نبك ) شهق ( بانت سعاد )
والاّ انا من صغر سني مااذكر اني يوم سجيّت وتعداني الصباح =ماتذكّرت السؤال اللي غرس في صدري الحيره وحرمّني الرقاد :
ليش لا من الصباح اقبل .. يسكّت شهرزاد .. ويمنع الحكي المباح ؟ =ليش يوم اصبح مباح الحكي .. يمنعه الصباح .. وليش تسكت شهرزاد؟
ليش ماندعي على هاك الجراد.. ودايم ٍ نستسقي الغياث من ماه القراح؟ =ليش يذبحنا الظما من شان تروى هالسنابل ... ثم يآكلها الجراد ؟
يايبه .. ماعاد في صدري سوى عشرين طعنه من سيوف ومن رماح =ويش ذنبي لا غديت ادفع خطايا جدي المرحوم من سن المهاد
يايبه .. عشرين طعنه .. او سنه للذل (م)الرحمه وانا اخفض هالجناح =مير غربّني الزمان وجيت من عقب البطا .. لالي حبيب .. ولا بلاد

---

(( الملحمه ))

ليلة البارح رقد بعضـي ينازعـه اغلبـي=ليلة باخـر ليالـي الحـج غـدرا مظلمـه
كنـي اللـي نايـم مابيـن داب وعقربـي=هي حقيقه هي خيال سج؟ هي حلـم احلمـه
قمت من صوت دعاني وانثنيت على ركبـي=والا انـا اناظرقبالـي (نـاقـة متكلـمـه)
يانيازك لوعرجتـي فـوق دخـان اشهبـي=علقي فـي زئبقـي فـي مـارج متنجمـه
قلت وش قومك وش انتي واصدقي لاتكذبي=جاوبتني شاعره من الجـن وانظـم مبهمـه
وقبل تنشدني ترى اسمي ابكمـه ياصاحبـي=وادّر كانك مادريت ان اشعرالجـن ابكمـه
اسكن "البرلس"على وادي يسمـى المحلبـي=في نهاية طـور موسـى جـل رب كلمـه
جيت اباسمع منك شعر الوصف واشب لهبي=كان توصف مثل جدك ياعسى الله يرحمـه
جدك اللي من سمع شعره ذهـل واستغربـي=مثل وصفه لآجمل سنينه ب نوق مدرهمـه
قلت حياك ارحبي ثم ارحبـي ثـم ارحبـي=في ضيافه شاعر يثنـي القصيـد ويلجمـه
شاعر ورد هواجيسـه علـى ماهـو يبـي=واعذب الشعر اصدقه في اغربه في اجهمـه
من شيـوخ دحيـم جدانـه وخالـه تغلبـي=ان طلع عز وشرف والا طمن في مكرمـه
قد ورثت الطيب قبل الشعر من جدي وابـي=ولابتي سيل الحقوق اللـي تزابـر مرزمـه
واشهد اني من سنام الشعر دسمـت شنبـي=وهاتي اشعر شاعر من الجن نـذر لآفحمـه
ودام يستهويك شعرالوصف ب انظم واطربي=ع القوافي نفسهـا قدامـك الحيـن انظمـه
واصف حلـو الترايـب والقـوام الاكعبـي=وابتدي بسم الله الرحمـن سمعـي ياابكمـه
جـادل بحجاجهـا فجـر زبنـه المغربـي=عنز ريـم نثرتنـي بيـن خـرز وسلهمـه
في سواد عيونها فاجـر يقـول انـه نبـي=كل صابي يتبعـه ويصدقـه يهـدر دمـه
وفي لحظها حاكـم سفـاح متهـور غبـي=يطلب الرحمه لميته يوم شبـع مـن لحمـه
وفي هدبها مدهـل راعيـه شيـخ يعربـي=اجـودي نـوب يعزمنـي ونـوب اعزمـه
راعني خال بوجنتهـا تقـل عبـد مسبـي=حارس روض الزهر من كل يمنا مجرمـه
ومن قليب اللون جا ثعبـان فضـي لولبـي=من لعق سمه يقـول الشهـد مـر وعلقمـه
كلمـا بلـل شفـق عنابهـا قـال عجبـي=راح ينشد لولها هي مشركـه هـي مسلمـه
يوم جاا للول بيجاوب قلت ربي روف بـي=ناض براق الثمان وسـال وادي عكرمـه
الندى عود غـدا بأوجانهـا طفـل يحبـي=والعطر راعي بأثرها يحدي ابلـه وغنمـه
ومن جدايلهـا تجـلا فـارس قـال العبـي=واستفزي الريح يابنـت الهبـوب المدهمـه
وفي نحرها كافـر لعيونـي يقـول اذنبـي=كل ماياكل رطب شوفـي حذفنـي بعجمـه
في ترايبها ثمر طاح بنهـم عيـن اشعبـي=جا يقول لخصرها المياس حـذرا مااتهمـه
انثنى الخصر وتمايـل قـال قلبـك مربـي=توه اللي كان ضيفي وانظـر اثـار قدمـه
الجمل هج وتذيـر يـوم شـاف الاحدبـي=الحدب قال اش معه ماينظر الحـدب سنمـه
كل نظره روحت حبلى تجي معهـا صبـي=راح جوعه ينشد امـه وش بلاهـا تفطمـه
لامشت في مشيها خطو الكحيـل الاشهبـي=انثنـت حايـل ثنيـه لاربـاع ولاقحـمـه
كنهـا لالـدت النظـره خجـل عالمنكبـي=صـادق يستـودع الفتـان سـر يكتـمـه
في خجلها بنت شيخ طاحت بحـب اجنبـي=في غنجها مهرة تتلـي الصهيـل بهمهمـه
في رضاها حصني يتلـذذ بمحـض عنبـي=في عتبها ظالـم حطـوه قاضـي محكمـه
لااقبلت مثل الحمام ولا ادبرت مثل الظبـي=لا اوقفت طير الهداد ولاجلست تقل رخمـه
لاوردتي يامغاتيـري علـى العـدا شربـي=وهيجني ياحي ذا المبسـم ومنهـو مبسمـه
مبسم يوم يتبسم كـل عـرق صـاح بـي=و تلني قـوم الثمـه نـذر علـي ان تلثمـه
اذن الفجر ووقفت الاابكمه (تقـول طلبـي)=يالدحيمـي هالقصيـده سمهـا (بالملحمـه)

---

(( ياشيخ ))

ياشيخ .. جيتك من هواجيـــــــس ٍ رحـــاها تستــــــــدير=اسبـــاب حــلم ٍ .. ياالـهـي .. من عـــــــــــواقبه انجني
ياشيخ .. تكفا .. فسّــره يـــــومك بتفسيـــره خبيـــر=من روعتــــــــه لامهتـــــني زادي .. ولا نـــومي هني
ياشيخ .. انا ماني بكـــــافر .. يزبن مشعــــــــوذ حقيـــر=ياشيخ .. جيتـــك مســـــــــــلم ٍ ويقــــــول : يارب اهدني
ياشيخ .. ندري مايجي قبل رمضــــان الاّ القصيـــــر=والموت .. ذيــبٍ مادرى وين الربــــاع .. من الثني
ياشيخ .. انا عندي شـــدادٍ .. مــير .. ماعنـــدي بعيـــر=ماولف قلبي عالشقا .... ميــــر الشقا اللي .. ولفني
حلمت ياشيخ بعقالي .. طــــايح ٍ في وســـــــــط بيـــر=والناس حــولي .. نوب تمسكـــني .. ونــوب تهدني
وهجيت ابي الجيره .. لقيت( الضبــــع) ياشــيخ المجيـر=وطحت بردى الثنتيـــن .. يانّي آكـــله .. والا .. اكلني
قلت أعطي الخبـت اقدمي .. مثل السـروق المستــذير=واذا ( جهيـــنه ) عندها صدق الخبـــر.. صرت(جهنــي)
وكنّي زبنت ظـــلال نخــــــله .. باتفيّا من الهجير=والاّ انّي بجــّذع ٍ يقـلْ :- ماغيـــر ( مريـــم) هــزّني
وشفت النبي ( يوسف ) بيده ( صواع ) مليانٍ شعيــــــر=وفي رحل (بنياميـــــن) .. ذيــب يقـــول :- معكم ودّني
(وسبعة سنـابــل) .. وسط حقل .. براس ضلع .. اكلته طير=وسنينها اْربعطش ..( سبع عجـــاف) ..( في سبع ٍ ســني)
واصوات رجلين البشر ( للنمل ) بالأمــن البشيـر=( والهدهــــد ) يدوّر على ( بلقيـــــس ) من بين البني
وكنّي حطبـــت من السّمــــر في صيــف بـــرده زمهرير=واْخذت لي عــــــــودٍ من الحزمـه باْشبّــــه .. شبــّــني
وشوي والا ّ انّي .. تقل مظلــــــــــوم في امر ٍ خطير=في ديــــــرةٍ .. واصفى هـــواها كان .. عج ٍّ سمّـــني
ديـــره .. بها ريــش النعــام يجّـرح فراش الحصــير=( وسبعــــــــــين جدر ٍ ) .. ينـــهدم من شــــان جدر ٍ ينـبني
والله يجيــــــرك شفت رزقي مثل بستـــــان ٍ كبيــر=في مغرســه طيّـب .. ولا ادري ليه .. ماطاب الجَني
( والطيب ) .. ذنـبٍ مابعــد عذّبـــــــه تـأنيــــب الضمير=(والخبـث) .. شاعر .. كل عذراء جاته تقول :- اهجني
( والشعر ) .. دجـــال ٍ ينــادي : - يافرزدق .. ياجـــــرير=غنوّا معي ( يامن هــــواه اعـــزّه ... وأذلـّني)
( والعيـن ) .. طرقي تخنقـه غربـه ويضنيــه المسير=( والصـدر) .. طفل من الغلا .. يشهـق نشيدة موطني
واصغر عيــــــالي يلفظ انفاســه على علبــة عصيــر=المشكـــله ياشيخ .. قــــــدّامي .. تقلْ .. ماهمنـّــــــي
وكنّ ( الغنى ) .. فارس من الديـباج .. وسلاحــه حرير=ماله عدوّ الاّ ( الفقــر) .. كم جاب قاصيه الدنـي
( والفقـر ) .. عــودٍ .. له مرَه مشــلوله.. وورع ٍ ضرير=في ارذل العمر .. ان وِقَـفْ .. قاصي شمـوخه منحني
مير افتنــي ياشيخ .. مين افضل ؟ جـزاك الله خير=ماادري الغني ؟ والاّ فقيــر الحال ؟ .. ياشيخ افتني
هو ( الغني ).. اللي يزكّي بالسنــــه .. مرّه .. فقـيـر=والاّ ( الفقـير ) اللي .. قضى عمره زكاةٍ للغني

---

(( يايبه ودحيم تنشد ))

لعن ابوه الشعر كانه بس في شقر الذوايب=لعن ابوه ان كان قاصيه الغزل والنرجسيه
يايبه .. والهاجس اللي كان مخطي جاك تايب=إغتسل من نزعة ذنوبه .. وتاب من الخطيه
يالحقوق اللي سنا برقه فتق صدر السحايب=يالبياض .. اللى غفر كل الذنوب السرمديه
يوم شفتك بالسرير الابيض عن الوعى غايب=كل عرقِِ صاح فيني جعل هاك الضيم فيّه
آه ليت الضيم رجالِِ واشد له الركايب=والله انّي ل نحره وآورده حوض المنيه
ياعسي نذلِِ هقي بك يرجع .. بهقواه خايب=ضايعِِ مثل القحم لاهو رباع .. ولا ثنيّه
قلت لى مره.. ترى النشمي ليا خاواه عايب=مثل دهن العود لا خالط رماد الشاذليّه
ودامني .. رجلِ خرج من بين صلبك والترايب=والله ..ان يبطي القدم ما يمشي دروبِِ رديّه
يايبه .. ودحيم تنشد وين حلاّل النشايب ؟=راس قومِِ جالها .. من القيظ مقيالِِ وفيّه
يابعد .. راسي وروس .. احبابي وكل القرايب=يابعد من زّهب المجند ولبس الحضرميّه
قم !! دخيلك عقبك الديره غدت جردِِ خرايب=عّجها ..غطّي سماها .. وستوت بالمهمهيّه
كلمتينِِ في شفاتي حايره راحت ذهايب=ماقوت .. تعبيرها كل الحروف .. الابجديّه
اخدعتني .. بكرةِِ ماهي من ابكارِِ نجاايب=ولا غفالِِ وصفها عند النّبيه ولا مطيّه
درهمت بي .. في دجي ليلِِ نهب شوفي نهايب=ويوم افيق .. الاّ وانا بأحضان قفراً جرهديّه
واتركتني .. ظاميِِ والماى للقيض الزهايب=واغبنتني يوم .. هجّت بالقلص والزمزميّه
يايبه .. وان قصرت ايديني .. ودارت بي المصايب=بـ ارمي اعذاري على الغربه وقلّ المقدريّه
هاجسي .. المذنب رجع دمعة طفل بعيون شايب=وإغتسل .. من نزعة ذنوبه وتاب من الخطيّه

---

(( ثلاثيني ))

ثلاثيني تعدّت والهقاوي خانها التعبير=انّوخ هقوتي تاره ... وأشد ركابها تاره
انوّخها واشّد ركابها .. وبعير بأثر بعير=واشوف الوقت يطحنّي رحاه بجاير اقداره
وابوي يقول .. قدّر .. كلّ شي بها لزمن تقدير=ترى من هدّ داره ... قلّ عند الناس مقداره
يابوك الحرّ حرٍّ والعصيفير اسمه عصيفير=وانا خابرك حرٍّ تفهم المقصود بإشاره
ترى طير الرخم يابوك ماهو من حرار الطير=ولو يعجبك في حومه .. وجنحانه .. ومنقاره
ولو جاك من اعاصير الزمان المر( شبه اعصير) =ترفّع خل عنك هروج ابو نواس واخباره
نسيت أيام كنّا .. لاظمينا نشرب من البير=سقى ذاك القليب اللي تصافق ماه بحجاره
حفرناه بيدينا .. كلّبينا .. عودنا وصغير=زمان ٍ كان فيه الجار .. يفدي بوْلده .. جاره
ليا اشتّد الهجير نقول .. هين تاليته عصير=رجال ٍ ما جزعنا من عجاج الوقت وغباره
وعزّ نفوسنا كنه يقول .. اللي يصير يصير=على العزّه مفاطيم .. وعلى الأقدار صبّاره
تكون بفمك تمره .. والنصيب يسوقها .. للغير=كذا .. طبع الزمان اقشر .. كذا .. الأيام دواره
زمان ٍ عقّب النشمي على المركى بنافخ كير=وتشوف اللي يبيعون الدجاج اليوم صقاره
وانا .. رجل ٍ لمح برق ٍ .. فهلّل واكثر التكبير=وصلّى عالرسول احمد .. نبي الله ومختاره
جهره النوض واستبشر يباسه بالمطر والخير=بذاك الصيف .. واثر اكثر.. بروق الصيف غدّاره
لقى ثروة شبابه بأيد حظًّ يعشق التبذير=رمى باحلى سنينه للهموم وكثرة اسفاره
غرس نخل الصفاري بأرض ناس ٍ يزرعون شعير=وفي جني الرطب عيّوا عليه يجنّي ثماره
وانا مانيب من يسكت على ضيم الغبينه مير=اشوف ان الحصاني هالزمان تناطح نماره
يقولون العرب .. خلّ التعجّل واحسن التفكير=وانا راسي لعب فيه الصداع وشتت افكاره
ولو هدّتك ياقلبي سنين الهم والتعزير=تحمّل .. لاتكدّر .. سدّ مآرب هدّته ... فاره
بسيطه ياذنوبي لو تخونك شرهة التكفير=عسى ضيم السنين اللي مضت بالعمر كفاره
ثلاثيني تعدت ... حلم .. ماحصّلت له تفسير=انّوخ هقوتي تاره ... وأشد ركابها تاره

---

(( الكرستاله))

ليل وكريستال .. نوض زمـام مضنونـي =يبرق زمامه .. ويسري بـي كريستالـه
ليـلٍ غداريـه ودونــي .. وجابـونـي=من شارب أعوره طحت .. بدقـن دجالـه
ياعزوتـي .. عاتبونـي .. لاتعذلـونـي=والاّ عذولي .... ( فـ.. فال الله ولا فاله)
لا مرزقي في يدّْ اللـي يشـري غبونـي=ولا أبيه جدي .. ولانـي بأصغـر عيالـه
وش له ومن يستبيـح العمـر ويمونـي=اليا استباح الدحيمي كيـف يحـلا لـه؟!
شاعر يغنّـي .. وكـم شعّـار سبقونـي=غنّوا برووس النوايـف .. ( يالالالالـه )
واللي على طرقتي غنّـى مـن لحونـي=ماهـو علـى قدّهـا لـو ميّـل عقالـه
وناسٍ على ( موتة الجمعه ) .. يحسدوني=ياصبر قلبي عليهـم .. والله اقـوى لـه
قدلي وأنا أحدي لهم وضحي .. وحدّونـي=أضيّـع الفاطـر أم خــزام وشمـالـه
السوق سوقـي ... وعيّـوا لايبيعونـي=والطيـب مشـراه .. مايحتـاج دلاّلــه
ويوم إنهم بالردى عالطيـب .. جازونـي=خليت للطيـب جالـه .. والـردى جالـه
يبطون في فتنتـي .. والتـرف مفتونـي=ويبطي ببالي .. ويبطي بـي علـى بالـه
ويبطـون لوّامتـي .. مهمـا يلومونـي=إمّا خذانـي غـلاه ... أخذتنـي القالـه
ياقبلة الله ليا اقبـل .. وأنخطـف لونـي=ماكن دقّـات قلبـي دقّـت .. الاّ .. لـه
لبّـا مراسيـل عطـره يـوم زارونــي=قبلـه .. يزفّـون لـي بشـراه بقبالـه
لبيّه كلّه .. ولبّـا البعـض .. والدونـي=لبيّه مـن هامتـه .. ليـا حـد خلخالـه
لبيّـه يالمستـه .. ومصافـح شجونـي=لبيّـه يافزعتـه .. فـي فـزّة جفـالـه
لبيّـه ياخثرتـه .. تنشدنـي شلـونـي؟=لبيّه ياسجّتـه .. ليـا عـضّ سلسالـه
ليا قال لي: (ويش حالك ) قلت : ياعوني=يلعن ثوى الحب .. يلعـن جدّهـا حالـه
أن جيت اباأضحك ..حظوظي فيك بكونـي=وإن قلت ابانسى غرامك .. أتعنـى لـه!!
ويضحك .. وأنا أنشد عيوني وأنشد جفوني=من شاف لول الثمان..؟؟وبارق هلاله؟؟!!
في ضحكته .. يرجـع الديّـان مديونـي=وفي فرحته .. من غنجه يداعب ضلالـه
وبعتابه .. يجيك مخطي قـال : خطّونـي=واليا زعل .. تقـلْ طفـلٍ ضيّـع ريالـه
تكفـون لا سـجّ قلبـي عنـه خلونـي=في سجّتـي عنـه .. لا ذاكـر ولا دالـه
حذرا لو الشـوق هبّـل بـي تطيعونـي=وأضوي بدون الجمل .. والبـدو جمالـه
وإذا غلبنـي هـواه وقلـت : ودونــي=لا تتركوني كـذا .. والحـال يرثـى لـه
وش عاد عذري لـو الجيـران شافونـي=خامس سنه .. يابن عمّه! .. ياولد خاله!
مايكفـي اربـع سنيـنٍ فيـه ساقونـي=ورجعت رجلي .. وأنا من صلـب خيّالـه
أمسي وأنا للعرق وسـمٍ علـى ردونـي=وأصبـح والأحـزان .. نزّالـه ونقّالـه
ورّدت وأول طعونـي .. أجمـل طعونـي=وصدّرت .. وآخر منافي داره .. أطلالـه
والعمر .. عشقٍ جمع منفى ومسجونـي=والعشق .. من قال طاله .. مات ماطالـه
يامال سقوى البَرَدْ من عـذب المزونـي=ياليلةٍ .. رحت مـن الصبـح اتهيّـا لـه
ليلٍ تّمايل غصونه .. ومالـت غصونـي=واليا تثنـى دلـع .. قمـت اتثنـى لـه!
وشـلال شعـره .. وقذلتـه ايتبلونـي!=ومن جور قذلته .. رحت بوجه شلالـه!
سرّاي من نحره .. لخاله علـى هونـي=الله .. وشلون أضيـع بنحـره وخالـه!
فديت عذْبه .. وسحـره شعـر وفنونـي=فديت سحره .. وعذب الشعـر وأمثالـه
وفديـت ذبـح اللواحـظ يـوم خزونـي=فديـت غيـم الرمـوش وفـيّ مقيالـه
وفديت لثغة حكـاه .. بضحكـة سنونـي=فديـت ضحكتـه .. يـوم يمـدّ بشمالـه
وفديت خوفي عليه ان راح مـن دونـي=فديت عضّة شفاه .. ليـا مشـى لحالـه
وفديـت جـدران بيتـه يـوم يرثـونـي=فديت حوشه .. فديت البـاب .. وأقفالـه
وفديت عمره .. بعمـرٍ لأجلـه يهونـي=وفديت ريـح اقهوتـه .. ونكهـة دلالـه
الله يبيحه .. وأنا بـه محسـن ظنونـي=إليـن يـدرون عـذّالـي .. وعـذّالـه
ويـدرون غيّابـي اللـي يـوم يقرونـي=إن أجمـل اللـي ألبّـي .. وأتفـدّى لـه
ضحكة كريستـال .. وزمـامٍ لمضنونـي=زودٍ علـى حسنـه القتّـال .. قتّـالـه
اليا التفت لي .. جهـر بزمامـه عيونـي=واليا ضحك لي .. ذبحنـي بالكريستالـه!

غرقت من أول قصيدة !!!!!!!!!!!!!!!!!!!!!!!!!!!!!!!!!!!!!


الله يستر من الباقي

لسه في ثالث قصيدة و اقول حسبي الله عليك يا طلال

شاعر ذا و الا جني ؟؟

أووووووووووووووووووووه


عن الدحيمي ؟؟






















بنقول بنقول بنقول ؟؟

وش ذا

كلكم تعرفونه

























شو انا كنت ميته و توني طالعه و الا شو

المشاركة الأصلية كتبت بواسطة عاشقة الشعر

شاعر ذا و الا جني ؟؟

أسمحي لي أجاوب !

سؤال مبدع لا ذكي عبقري وغير = سؤال واحد مقبل وحاضر وكان!
هذا ماهو جني ولاشاعرٍ مير=أجمل كثير ويكفي إن قلت ( إنسآن)

ماتعرفين البيت اللي يقول:

تكفى ترى تكفى تهزّ الرياجيل .. ولولا ضروف الوقت ماقلت تكفى ؟؟؟




يقول :

إليا اضحكـــت .. كن ذاك اللــول في فــمها=لغــــــز ٍ يحــــــــيّر لبيــــب العـقل مافهـــمه
ثلاث حبــــــات خــــال ٍ حـــــول مبســـمها..=والمـــنهل العـــــذب .. تكــــثر حـــوله الزحمه

عرب شبه الجزيره )



شاعرٍ تل القوافي في طواريقه … وغنا
ناشدٍ عني .. تراني من عرب .. شبه الجزيره

ياسلام الله سلام الطيب .. والطيب .. يتثنا
ياقصيدي .. وانت راعي الأوله قبل الأخيره

يوم ساقتني هجوسي ياولد .. منّا .. ومنّا
قلت ارد الشان للرحمان .. وادعي بالستيره

ماتكبدّت الخساير ... من وطنّا .. في وطنّا
باخص ٍ طيري .. ومن له بالقنص يبخص بطيره

والله انّا ماطففنا الكيل يوم انّا وزنّا
ولا ذخرنا جاهل ٍ كالوا بلا صاع ٍ شعيره

ماتعوّدت الحق اطلب … للخوي الاّ تمنّا
دام لي وجهٍ يمون وكل نشمي يستعيره

علم اللي طاح مابين المغيره .. والمثنا
ان سلم سيف المثنّا ... ماسلم سيف المغيره

يحسب انه يلحق ( منيره ) وهو يلحق ( مهنا)
الخبل يلحق ( مهنا ) يحسب ( مهنا ) ... ( منيره )

كان ظنّه ماوصلنا ….. علموه انّا وصلنا
مايموت من الظما مطوي رشا غربه .. لبيره

والغبينه … لا علي النذر مثله ماغبنا
كل حبٍّ له رحاه … وكل سيفٍ له جفيره

من ( جحا والاّ حميره ) وش علينا .. ماشتحنا
دام حذّينا فرسنا .. من ( جحا والاّ حميره )

ان بغاها بالمراجل … ينشد القالات .. عنّا
ويدري انّا لا انتخانا ... البزر ... قمنا له .. عشيره

ماذخرنا الاّ الحميّا .. والوفا .. وسلوم اهلنا
يوم ولد اللاش يذخر قلّة الشيمه ... ذخيره

واكبر اهل الدار.. لو ما وصل حد الشيب سنّا
شايبٍ لا اعمومست الأريا نجيه ... ونستشيره

وان بغاها بالشعر … حنّا هلك يالشعر حنّا
ان قصدنا .. نستبيحه ... وان سكتنا .. نستثيره

ياجملنا ما جهلك ( الزير سالم ) يا جملنا
ايهبا ( داحس ) على ( الغبراء ) على ( سالم وزيره )

قد وسمْتك وسْم جدّ ي ..لا غفلت.. ولا جهلنا
وكل مطنوخ ٍ يوسّم وسم جدّانه ... بعيره

والهنوف اللي زهت بكفوفها نقشات حنا
روّحت بقلوب بعض الناس من ديره لديره

وافضحت وجنة ( سميره ) خوّة اللي ممتحنا
بايع الخوّه .. بحبة خال في وجنة ( سميره )

صاحبي .. لو تآخذك في اللاش شرهة حسن ظنّا
عدّها .. شرهة ضمير ٍ حي في ميّت ضميره

صاحبي .. ماكل وردٍ يعجبك شكله يجنّا
ولاخبرت اعمى بصيره .. جاء يقود اعمى بصيره

والدحيمي يوم تل القاف هيجن به وغنا
ياسلام الله على ربعي ... عرب شبه الجزيره

آمنت بالله يا بدر و بأن الشعر حق