كذّبت كل الظنون و عشت تزويرك .. = و إخترت أكون الضحيه بزود تقصيري ..
ألغيت فكري و عشت بوسط تفكيرك .. = (إنت أصدق إنسان ) هذا كان تصويري ..
يوم ٍ طالت على دربي مشاويرك .. = رحت أتبعك .. لين ملتني مشاويري ..
من شفت زولك و أنا محروم من خيرك .. = حتى العمـر قام ما يقبل معاذيري ..
ما كنت عايش على رجوى معاذيرك .. = كنت أحلم إن الغرام يفوق تعبيري ..
مليت أسمع خرافاتك و أساطيرك  .. = إليا متى و إنت تتلذذ بتكسيري ..  !!
لا جيت أبشره عليك إن شفت تقصيرك .. = كني إرتكبت الحرام و حل تكفيري ..
من يوم حبك و أنا أجمع لك نواويرك .. = شف وش كثر ماتت بظلمك نواويري ..
هذا إنت .. قاسي .. أناني .. في تعابيرك .. = و أنا أرتضي منك لو طوّلت تعزيري ..
فرقاك طالت .. و لا أدري وش مقاديرك .. = و بكل صراحه .. أحسه هان تقديري ..
ما هي غريبه تغيب و ما معي غيرك .. = بس الغريبه تعيش و ما معك غيري ..