[ إلاّ إنتي ]






لو زعل هالكون منّي :
ما أفكر والله يرضى ،
ما يهمني كل قلبٍ . .
يظلم إحساسي ويرحل ،
ما تهمني كل : لحظة
فيها . . هدّتني همومي
ولا تهمني كل | حياتي
لا وربّي . . ما تهمني
وحدك إنتي | لا رحلتي
توقف " الدنيا " بـ عيني
و أبقى وحدي مع ، طيوفك
عاجزة أمشي : بدونكْ
خلّي عنّك . . دمعتيني
وإنسى أيّامي وسنيني ،
تهت بعدك . . وإنتهيت
يعني أفرح !
- وآتضايق !
وتملي الوحشة : دروبي
فيني ضيقة . . !
و ألف همٍ . .
فيني آهٍ :
فيني آآه !!
من بقى لي غيرك إنتي ؟
و لجل منهو تتركيني ؟
أعتذرلك . . و آتأسف
يمكن إحساسي : ظلمني
بس أدري قلبك . . أكبر
جيت كلّي ، دون روح
وإن رحلتي عنّي لحظة ؟
ببقى حاجة . .دون معنى
لا ورب الكون : ماني
باقية أصلاً بدونك !
يعني عمري ؟ واقفٍ لك !
وغيبتك تنهيه : عمري !
وإعرفي هـ الضيق فيني
و حيل ذابحني . . حنيني
وهاك كلّي :
وإذبحيني . . !
لجلك إنتي الروح فدوه . .
وقدر قلبك | تعرفينه