ويتواصل الغياب  و أستمر في كتابة الشعر

عدّى شهر من بعد ليلـة  غيابـك=ولالقيـت لغيبـتـك أي تفسـيـر
من هو مزعّل بس حضرة  جنابـك=إن كان أنا 00 جمّعت كل  المعاذير 
خذي معاذيـري وهاتـي  عتابـك=مع إنّ منّي ماحصـل أي تقصيـر 
خليّني أبكي بس عيشـي  شبابـك=خليّني أبكي دمّ عادي وش يصير ؟ 
أصلاً أنا حزنـي وهمّـي  تشابـك=والدمع والطعنات صاروا  مساييـر
وإذا الفرح جا قلت له ويش جابك ؟=خلّك مع اللي غاب من دون  تبرير 
مانيب قايـل للفـرح ياهـلا  بـك=لاجا يباغت وحدتي قلت له خير  ؟؟
لي يالفرح لاعاد تحسـب حسابـك=حزني مخاوينـي بكـل المشاويـر 
حبيبتي00 وقّفت أنا عنـد  بابـك=كلي أمل واقـف بوجـه المقاديـر 
مشتاق لك 00 مشتاق حتى لعذابك=ياللي وصالك غير ومفارقك  غيـر
عدّى شهر من بعد ليلـة  غيابـك=ولا لقيـت لغيبتـك أيّ  تفسـيـر